Wednesday, January 26, 2011

പുലർകാലത്തെ മഞ്ഞ്


പുലർകാലത്ത്
വെയിലിറങ്ങിപ്പോയ
മലഞ്ചെരുവുകളിൽ
പറങ്കിമാവിൻ തോപ്പുകളിലെ
അവസാനത്തെ നിന്റെ ഇറ്റുവീഴൽ.

എപ്പോഴായിരിക്കും
നീ ഇതു വഴി വന്നിട്ടുണ്ടാവുക.

ഒറ്റക്കായിരിക്കും.
ഉറപ്പുകളുടെ കോടമഞ്ഞ്
കാറ്റിനോടൊപ്പം വീശിയെറിഞ്ഞ്
ഇരുൾ മാളങ്ങളിലേക്ക്
ഓടിപ്പോയിട്ടുണ്ടാവും.

ഓർമ്മകളെ
ഒറ്റമുടിനാരുകൊണ്ട് വലിച്ചു കെട്ടി
വെയിൽ വരും മുൻപേ
അണിയിച്ചൊരുക്കാൻ
ഇറ്റു വീഴുമായിരിക്കും
പുലർകാലത്തെ ഈ മഞ്ഞ്.